Garinan Nahanaw na Ba?

Sa pag-asenso karon sa syudad sa Tagum, daghan ng kausaban ug kabag-ohan ang atong na saksihan nga gi implementar na sa pang gamhanan  sa Tagum na dili na gud kapugngan pa. Sa pipila na mga katuigan ang atong nabati na, walaon na daw ang Garinan? Nah! unsaon na lang ang nagpuyo ini? Ang lugar dili walaon kundili ang mga nagpuyo sa lugar. Kay e-develop na ba daw ang lugar? Kutob nalang ta sa pag pangutana niini.  Pero daw sa madamlag ato ng makita ang kausaban ug progreso atong ginahamdum.

Subo man kaayo pamalandugon na kanhing sadya ug naghini-usang komunidad, dili na nimo masaksihan pag-usab ug imong masinati ang simpleng panimuyo pero sincerong mga tao.



 For the sake of progress? Go go na lang ba ta ani? Nasayod ta dili kabayran sa mga progreso ang mga kasinatian, malipayon ug dasig na kaagi sa mga taong nagpuyo niing lugara. Na dakung tampo sa pag-umol sa ilang pagkatao, dili pud nato malalis na daghan pud ang mga na propesyunal ug mga successful na mga lumulopyo  sa Garinan.

Ato pud masud-ongan sa Garinan ang dakung kadagatan  nahi sakop niini, nga gikakuhaan ug panud-an ug kapangitaan sa mga lumolupyo. Naa pud dinhi ang gi-preserbar na mga mangroves  nga gipunduhan sa syudad sa Tagum ug  tinabangan sa hini-usang  katawhan. 

Pero dili gud nato malalis karong panahona, ang pinaka best na ihulagway sa Garinan  ang sentro nga kaligu-an sa mga masang katawhan sa barangay Madaum. Tag 10.00 Pesos ang entrance wala labot ang mga bata. Affordable na mga cottages ang ilang ma offer sa dinagkung panon sa manligu-ay. Kini gidumala sa mga Hijo Retirees.

Sa mga kalambuan karon na ninghapak niing lugara sa Madaum, nanghinaut ako na unta dili mawad-an na pud ug katungod ang lumolopyo niini,  Basig dili na pud ta kasulod sa Garinan Beach if ma develop siya, sama sa kanhing Barret Beach karon Banana Beach, na wala na gud kakita ang mga hamtong na lumolopyo tungod sa kamahal sa presyo. Ug taga-an pud unta  attensyon ug priyoridad sa mga modumala ang mga kabatan-onan na out of school youth ug wala na mingtungha, sa pagdawat kanila sa mga job openings.......